ევროკავშირის გადაწყვეტილებას საქართველოში ფაქტების შემსწავლელი მისიის ჩამოსვლის თაობაზე გაუგებარს უწოდებს საპარლამენტო უმრავლესობის წევრი ეკა სეფაშვილი. როგორც მან ჟურნალისტებთან საუბრისას განაცხადა, გაუგებარია, რა უნდა შეისწავლოს ამ მისიამ და რისთვის ჩამოდის.

ეკა სეფაშვილი დარწმუნებულია, რომ ეს მისიაც, ევროკავშირის წარმომადგენელი სხვა მისიების და დელეგაციების მსგავსად, მიზნად ისახავს ოპოზიციის მხარდაჭერას და ხალხის წაქეზებას დადგნენ რადიკალების გვერდით.

„ჩემთვის გაუგებარია რა უნდა შეისწავლონ, იმიტომ, რომ არსებობს OSCE/ODIHR-ის მიერ მომზადებული როგორც შუალედური, ასევე არჩევნების შემდგომი დასკვნა, ორგანიზაციის, რომელიც ყველაზე პრესტიჟულად ითვლება არჩევნების შეფასების ლეგიტიმაციის თვალსაზრისით. მათ მიერ გამოქვეყნებულ ორ - წინასაარჩევნო გარემოსა და არჩევნების დღის შემფასებელ ანგარიშში ნათქვამია, რომ პროცესი წარიმართა მშვიდად, კარგად ორგანიზებულად და რა უნდა შეისწავლოს აქ ჩამოსულმა მისიამ? ადგილზე უნდა გაეცნოს ვითარებას? რა ვითარებას უნდა გაეცნოს?

არჩევნები დასრულებულია, წინასაარჩევნო გარემო აღარაა. თუ აინტერესებთ მასალების გაცნობა, გაყალბების შესახებ მათ ვერაფერ დოკუმენტაციას ვერ წარუდგენენ, იმიტომ რომ მსგავსი ბუნებაში არ არსებობს, თუ არ ჩავთვლით „ქართული ოცნების“ მიერ წარმოდგენილ გაყალბების კონკრეტულ სქემას იმის, თუ როგორ დააკარგვინეს მმართველ ძალას ხმები.

ჩამოვლენ ევროპელები - გაისეირნებენ, გამოისეირნებენ და უკან წავლენ. ასე მაგალითად, ცოტა ხნის წინ 8 ევროპელის დესანტი რომ ვიხილეთ, როცა ერთ-ერთი ევროპარლამენტარი ითხოვდა პარალელური დათვლის შედეგების გამოქვეყნებას. ისიც კი არ იცოდა, რომ ის ემთხვევა ოფიციალურს და ISFED უბრალოდ მავნებლობს, როცა აჭიანურებს მის გამოქვეყნებას; გარდა ამისა, ამ ხალხმა მოითხოვა სააკაშვილის გათავისუფლება. ადამიანის, რომელიც მათივე ერთ-ერთი პრესტიჟული ინსტანციის სტრასბურგის ადამიანის უფლებების დაცვის საერთაშორისო სასამართლოს აღიარებით, ყველა ნორმის დაცვით იხდის სასჯელს; ამ ადამიანებმა მოითხოვეს მეორე მაიდანი და საერთოდ, გაუგებარია, რას ემსახურება ამ ხალხის ჩამოსვლა.

ერთადერთი, რა აზრი და გონივრული ეჭვი მიჩნდება წინა გამოცდილებიდან გამომდინარე, არის ის რომ ისევ შემოუძახონ ოპოზიციას და ხალხს აჩვენონ, რომ ევროპა ამ ოპოზიციის მხარესაა და თქვენც დადექით მათ მხარეს. ეს არის მათთვის ერთგვარი ბოლო ცდა," - განაცხადა ეკა სეფაშვილმა.

ავტორი: NS (სტატია დაფინანსებულია),

სოციალური ქსელები

ნინო ლომჯარია TV იმედს სასამართლოში უჩივის

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა