თბილისის მერის, კახა კალაძის განცხადებით, საქართველოს რუკა, რომელიც პარლამენტის თავმჯდომარის, შალვა პაპუაშვილის ბრიფინგზე წარმოდგენილ პრეზენტაციაში იყო გამოტანილი, ვიდეოკამერამ სრულყოფილად ვერ აღიქვა. 

როგორც მერმა განაცხადა, აღნიშნული პრეზენტაცია, სადაც ნათლად ჩანდა საქართველოს რუკა, ჟურნალისტებსაც ჰქონდათ დარიგებული. 

"რეალურად ეს იმის მანიშნებელია, რომ არაფერი დარჩენიათ. ჯერ იყო და არჩევნების შემდეგ იზეიმეს, საბოლოოდ რომ გაირკვა, რომ მათ წააგეს არჩევნები, გადავიდნენ სიცრუის და სიბინძურის კამპანიაზე, თითქოს ვიღაცამ არჩევნები გააყალბა, თუმცა, როგორ და რანაირად, ამაზე არავინ საუბრობს. დღევანდელი ფაქტიც მოწმობს, რომ მათ არანაირი რესურსი და მტკიცებულება არ გააჩნიათ. 

ვიდეოკამერამ ვერ აღიქვა ის, რაც იყო ამ პრეზენტაციაში, რომელიც, სხვათაშორის, ჟურნალისტებსაც ჰქონდათ დარიგებული. იქ ნათლად ჩანდა საქართველოს რუკა და გამოყოფილი იყო ის ტერიტორიები, სადაც არჩევნები ჩატარდა. იცით, რომ ტერიტორიების გარკვეული ნაწილი ოკუპირებულია და სხვათაშორის, მათი უგნური პოლიტიკის შედეგია ის, რაც ჩვენ დღეს სახეზე გვაქვს. ამ ადამიანებს უბრალოდ უფლება არ აქვთ, ქვეყნის ტერიტორიულ მთლიანობაზე გააკეთონ განცხადებები, იმიტომ, რომ პირდაპირ იყვნენ ჩართული იმ მოღალატეობრივ ქმედებებში, რის შედეგადაც ქვეყანამ ტერიტორიები დაკარგა",- განაცხადა კახა კალაძემ. 

ავტორი: NS (სტატია დაფინანსებულია),

სოციალური ქსელები

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ