2024-10-29 16:17:10, 395 ნახვა
პოლიტიკა
ლინ ჯიანი - საქართველოს საპარლამენტო არჩევნები შეუფერხებლად ჩატარდა
ჩინეთი მზადყოფნას გამოთქვამს საქართველოსთან თანამშრომლობისთვის, რათა ორმხრივი ურთიერთობები შემდგომში კიდევ უფრო გაძლიერდეს,- ამის შესახებ ჩინეთის საგარეო საქმეთა სამინისტროს წარმომადგენელმა, ლინ ჯიანმა პეკინში გამართულ პრესკონფერენციაზე განაცხადა.
როგორც ლინ ჯიანმა აღნიშნა, “ჩინეთი ქართველი ხალხის არჩევანს ყოველთვის პატივს სცემს“.
“ჩინეთი აღნიშნავს, რომ საქართველოს საპარლამენტო არჩევნები შეუფერხებლად ჩატარდა. ჩინეთი ქართველი ხალხის არჩევანს ყოველთვის პატივს სცემს და გულწრფელად იმედოვნებს საქართველოს სტაბილურობასა და კეთილდღეობას. ჩვენ მზად ვართ საქართველოსთან ერთად ვიმუშაოთ ორმხრივი ურთიერთობების გასაძლიერებლად“,- განაცხადა ჯიანმა.
ავტორი: ექსპრესნიუსი,
epn.ge (@expressnews.ge)
