იყო არაიზოლირებული ინციდენტები ხმების მოსყიდვის,- ამის შესახებ „საერთაშორისო რესპუბლიკური ინსტიტუტის“ (IRI) წარმომადგენელმა, ჯონ შიმკუსმა საპარლამენტო არჩევნების შეფასებისას განაცხადა.

როგორც შიმკუსმა ცოტა ხნის წინ გამართულ პრესკონფერენციაზე თქვა, ასევე აღინიშნა განმეორებით ხმების მიცემის, მარკირების შეუმოწმებლობის შემთხვევები.

„საარჩევნო კამპანია ძირითადად მიმართული იყო უმცირესობებით დასახლებულ რეგიონებზე, იმისთვის, რომ მათზე მომხდარიყო ზეწოლა. ასევე, დამკვირვებლებმა დააფიქსირეს ძალიან ბევრი შემთხვევა იმისა, რომ ამომრჩევლების პირადობის დამადასტურებელი მოწმობები იყო მოგროვებული „ქართული ოცნების“ წარმომადგენლების მხრიდან, რითაც მოხდა ფსიქოლოგიური ზეწოლა მათზე. გარდა ამისა, ამან ხელი შეუწყო ხმების მოსყიდვის სქემების განვითარებას, ამან შექმნა შიშით დატვირთული გარემო, შექმნა ფსიქოლოგიური ზეწოლა, რომელმაც შემდეგ გამოხმაურება ჰპოვა არასამთავრობო ორგანიზაციების წინასაარჩევნო ანგარიშებში... 

მთლიანობაში, უბნებზე ტექნიკურად გამართულად ჩატარდა[ხმის მიცემა], თუმცა პრობლემები იქნა შემჩნეული ბიულეტენების დასკანერებასთან დაკავშირებით. ასევე, იყო გარკვეული შეშფოთებები ხმის მიცემის ფარულობასთან დაკავშირებით, ასევე სისტემატური ზეწოლა, დათრგუნვა. ამან ყველაფერმა შექმნა შიშს გარემო. ასევე, არაიზოლირებული ინციდენტები იყო ხმების მოსყიდვის, ასევე, განმეორებით ხმების მიცემის, მარკირების შეუმოწმებლობა. უბნების დახურვისა და დათვლის დროს, ვითარება მთლიანობაში მშვიდი იყო...

IRI მოუწოდებს ცესკოს, რომ ჩაატაროს სამართლიანი, გამჭვირვალე და ზუსტი დათვლა ყველა შედეგის, იმისთვის, რომ ქართველი ამომრჩევლის დემოკრატიული სურვილი და არჩევანი იქნას ასახული. IRI აგრძელებს საარჩევნო პროცესზე დაკვირვებას, ელოდება საბოლოო შედეგების გამოცხადებას და დავების განხილვასა და გადაწყვეტას. და რა თქმა უნდა, ამის შემდეგ ჩვენ გამოვცემთ საბოლოო ყოვლისმომცველ ანგარიშს“,- განაცხადა ორგანიზაციის წარმომადგენელმა. 

ავტორი: ექსპრესნიუსი,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის