არჩევნები არის მოპარული - ეს არის საკონსტიტუციო გადატრიალება,- ამის შესახებ „კოალიცია ცვლილებისთვის“ ერთ-ერთმა ლიდერმა, ნიკა გვარამიამ განაცხადა. 

როგორც გვარამიამ ცოტა ხნის წინ გამართულ საგანგებო ბრიფინგზე აღნიშნა, „ქართული ოცნება“ ხელისუფლებაში ვერ დარჩება.

მისივე თქმით, მმართველ პარტიას „ოპოზიციის გამარჯვების აღიარება მოუწევს“.

„არჩევნები არის მოპარული. ხელისუფლების უზურპაცია მოხდა საქართველოში. ეს არის საკონსტიტუციო გადატრიალება. „ქართული ოცნება“ არის საკონსტიტუციო გადატრიალების ავტორი და ამაზე აგებს „ქართული ოცნება“ პასუხს აუცილებლად იმ წესით, როგორი წესითაც ამას ითვალისწინებს საქართველოს კანონმდებლობა. ვიდრე ეს მოხდება, „ქართულ ოცნებას“ მოუწევს ოპოზიციის გამარჯვების აღიარება. გაშიფრული გვაქვს სქემა, რომლის მიხედვითაც მათ მოიპარეს არჩევნები... „ქართული ოცნება“ ამ ქვეყნის ხელისუფლებაში ვერ დარჩება. ეს არის მოპარული არჩევნები. ეს ვერ მოხდება, ეს არ არის რუსეთი, ეს საქართველოა“,- განაცხადა ნიკა გვარამიამ.

ცნობისთვის, საქართველოს საარჩევნო ადმინისტრაციის მიერ, არსებული 3 111 საარჩევნო უბნიდან ამ დროისთვის დათვლილია 2 251 უბანი. წინასწარი მონაცემების მიხედვით, საპარლამენტო არჩევნებში „ქართული ოცნება“ 53.064%-ით ლიდერობს.

ავტორი: ექსპრესნიუსი,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის