საქართველოს მესამე პრეზიდენტი მიხეილ სააკაშვილი საჯარო მოხელეებისადმი მიმართვას ავრცელებს.

ექსპრეზიდენტი მიმართვაში, რომელიც მისი "ფეისბუქის" გვერდზე გამოქვეყნდა, მოუწოდებს საჯარო მოხელეებს, "არჩევნების მოპარვაზე გათვლილი ბრძანებები" არ შეასრულონ.

"მოგმართავთ როგორც სახელმწიფო ინსტიტუტების შემქმნელი და ქართველი საჯარო მოხელეების ქომაგი. ივანიშვილი, რომელიც ანგრევს სახელმწიფოს, გაშინებთ თქვენ, რომ ოპოზიციის მოსვლის შემთხვევაში, თქვენ გემუქრებათ რეპრესიები და სამსახურის დაკარგვა - ოლიგარქი როგორც ყოველთვის იტყუება.

ახალი ხელისუფლების პირობებში, არანაირი გამიზნული დათხოვნები არ იქნება, უფრო მეტიც თქვენი ხელფასი მკვეთრად მოიმატებს და თქვენი სამსახური ბევრად უფრო პრესტიჟული გახდება. ეს ეხებათ პოლიციელებს, სამინისტროების და ადგილობრივი თვითმმართველობების, აიპ/სიპ-ის მუშაკებს, პედაგოგებს. 

ერთადერთი პირობა იქნება, რომ არ წახვიდეთ თქვენი ხალხის წინააღმდეგ, არ შეასრულოთ არჩევნების მოპარვაზე გათვლილი ბრძანებები და პოლიციელების შემთხვევაში, არ დაღვაროთ სისხლი და არ შეასრულოთ ძალადობრივი, უკანონო ბრძანებები. მიუხედავად იმისა, რომ უკვე სამ წელიწადზე მეტია, რუსეთის უკანონო ტყვე ვარ საქართველოში, მეც კი არ გავბოროტებულვარ და პირიქით თანაგრძნობაც კი გამაჩნია იმ ადამიანების მიმართ, ვისაც უხდებოდა მთელი ეს დრო ჩემ მიმართ არაადამიანური, უკანონო ბრძანებების შესრულება.

26 ოქტომბრის შემდეგ, ყველამ მომავალში უნდა გავიხედოთ და შევწყვიტოთ წარსულის ქექვა და ამ გადასვლაში თითოეული საჯარო მოხელის მონაწილეობა გადამწყვეტია!" - აღნიშნულია სააკაშვილის მიმართვაში. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია