საქართველოს ნაკრები უეფას ერთა ლიგის 2024/25 წლების სეზონისთვის მზადებას 24 ფეხბურთელით დაიწყებს. იტალიის ემპოლისა და ეროვნული ნაკრების (21 წლამდე) მცველი საბა გოგლიჩიძე ეროვნული ნაკრების შემადგენლობაში სექტემბრის მატჩებისთვის გამოძახებულთა სიას დაემატა.

20 წლის ფეხბურთელის დებიუტი იტალიის სერია A-ში 31 აგვისტოს ბოლონიასთან მატჩში წარმატებით შედგა. შოთა ნონიკაშვილთან და ლუკა გადრანთან ერთად გოგლიჩიძე ეროვნული ნაკრების მესამე დებიუტანტი სექტემბრის შეკრებაზე გახდება.

საქართველოს ნაკრების შემადგენლობა

მეკარე: გიორგი მამარდაშვილი (ვალენსია, ესპანეთი), გიორგი ლორია (ომონია, კვიპროსი), ლუკა გუგეშაშვილი (პანსერაიკოსი, საბერძნეთი).

დაცვა: გურამ კაშია (სლოვანი, სლოვაკეთი), ოთარ კაკაბაძე (კრაკოვი, პოლონეთი), გიორგი გველესიანი (პერსეპოლისი, ირანი), ლაშა დვალი (აპოელი, კვიპროსი), ლუკა ლოჭოშვილი (კრემონეზე, იტალია) , გიორგი გოჩოლეიშვილი (კოპენჰაგენი, დანია) , ირაკლი აზაროვი (შახტარი, უკრაინა), ლუკა გადრანი (კაირატი, ყაზახეთი), ჯიმი ტაბიძე (მახაჩკალას დინამო, რუსეთი), საბა გოგლიჩიძე (ემპოლი, იტალია).

ნახევარმცველები: გიორგი ჩაკვეტაძე (უოტფორდი, ინგლისი), ოთარ კიტეიშვილი (შტორმი, ავსტრია), გიორგი ქოჩორაშვილი (ლევანტე, ესპანეთი), სანდრო ალთუნაშვილი (ვოლფსბერგერი, ავსტრია), შოთა ნონიკაშვილი (ჩერკასი, უკრაინა), გიორგი წიტაიშვილი, სპარანი. საბა ლობჟანიძე (ატლანტა, აშშ)

თავდამსხმელები: გიორგი მიქუტაძე (ლიონი, საფრანგეთი), ბუდუ ზივზივაძე (კარლსრუე, გერმანია), ხვიჩა კვარაცხელია (ნაპოლი, იტალია), ზურიკო დავითაშვილი (სენტ-ეტიენი, საფრანგეთი).

საქართველოს ნაკრებმა C ლიგის მოგების შემდეგ ერთა ლიგის B1 ჯგუფში თამაშის უფლება მოიპოვა. სექტემბრის შესვენებაზე საქართველოს ნაკრები ერთა ლიგის ორ მატჩს გამართავს. 7 სექტემბერს, მიხეილ მესხის სახელობის სტადიონზე ეროვნული ნაკრები ჩეხეთს უმასპინძლებს. 10 სექტემბერს ტირანაში საქართველოს ნაკრები ალბანეთის ეროვნულ გუნდს დაუპირისპირდება. ჩვენი გუნდი 2 სექტემბერს საგურამოში ჩეხეთთან და ალბანეთთან მატჩისთვის მზადებას დაიწყებს.

ავტორი: ექსპრესნიუსი,

სოციალური ქსელები

შერის 49 წლის შვილი დედას სასამართლოში უჩივის ფინანსური დახმარების გაუქმების გამო

Forbes-ის მონაცემებით, დონალდ ტრამპის ქონება პრეზიდენტობის ერთ წელიწადში, 1.4 მილიარდი დოლარით გაიზარდა

მოსაყდრე შიო - ღირსეულად და წარმატებით უნდა ჩავატაროთ ის დიდი მოვლენა, რაც ხვალ გველის ყველას

კანარის კუნძულებზე MV Hondius-ის მგზავრების ევაკუაცია მიმდინარეობს, სადაც ჰანტავირუსი დაფიქსირდა