მთავრობის სხდომაზე ეკონომიკისა და მდგარადი განვითარების მინისტრმა დიმიტრი ქუმსიშვილმა, პროექტის „აწარმოე საქართველოში“ შეტანილ ცვლილებებზე ისაუბრა.

როგორც მინისტრმა ჟურნალისტებს განუცხადა, ცვლილებები კერძოდ ქვედა ზღავრს შეეხო. ქვედა ზღვარი მცირდება და ცვლილებებიდან გამომდინარე, ზღვარი 75 ათასი დოლარით და 150 ათასი ლარით დადგინდა.

„დღეს ჩვენ მთავრობის სხდომაზე პროგრამა „აწარმოე საქართველოში“ გარკვეული ცვლილებები გამოვიტანეთ, კერძოდ კი ეს ქვედა ზღავრს ეხება. მოგეხსენებათ, რომ ქვედა ზღავრი პროგრამაში იყო - 250 ათასი ლარი და 150 ათასი დოლარი, შესაბამისად ახალი განკარგულების მიხედვით, ეს ზღვარი მცირდება. ზღვარი დაწესდება 75 ათასი დოლარით და 150 ათასი ლარით. მას მერე რაც ჩვენ საწარმოების გაფართოების ნაწილი დავამატეთ, აღნიშნული კომპონენტი ძალიან მნიშვნელოვანი გახდა და ეს მოგვცემს იმის შესაძლებლობას, რომ ბენეფიციარების რაოდენობა პროგრამაში გაიზარდოს“, - განაცხადა დიმიტრი ქუმსიშვილმა.

მინისტრის თქმით, თვითონ ცვლილება კერძო სექტორის მოთხოვნით იყო განპირობებული და ასევე ბანკებთან არა ერთი კონსულტაციით.

„გარდა ამისა, ძალიან მნიშვნელოვანი ცვლილება ბანკებთან კონსულტაციის შედეგად მივიღეთ. ლარში ჩვენ გვქონდა დაწესებული მაქსიმალური ზედა ზღვარი, რომელიც იყო 13% და აღნიშნული ზედა ზღვარი გავზარდეთ. შესაბამისად, თანხების რაოდენობის მიხედვით ის გაიზარდა; 3-დან 5 მილიონ ლარამდე კრედიტის შემთხვევაში - ეს იქნება 15% საიდანაც ჩვენ გარკვეულ ნაწილს დავასუფსიდირებთ, ასევე 16% იქნება 1.5-დან 3 მილიონი ლარის შემთხვევაში და 17%  - 1 მილიონ ლარამდე სესხების შემთხვევაში იქნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვიღებთ სრულ პასუხისმგებლობას ანტიდოპინგური პროცესის გაუმჯობესებაზე – რაგბის კავშირი

პუტინმა განაცხდა უკვე მეშვიდედ, რომ რაკეტა სარმატა გამოსცადა

ზატულინი -ევროკავშირი საქართველოს რუსეთის წინააღმდეგ „მეორე ფრონტის“ გახსნისკენ უბიძგებს

საქართველოში რუსეთის ინტერესების სექცია - ახალი პატრიარქის არჩევის შესახებ ამბავი რუსეთში დიდი ენთუზიაზმით მიიღეს