მევლუთ ჩავუშოღლუ: სეკულარული ტერორიზმი უფრო კარგია, რადიკალური - ცუდია,

2016-02-19 12:53:25, 369 ნახვა

პოლიტიკა

მევლუთ ჩავუშოღლუ: სეკულარული ტერორიზმი უფრო კარგია, რადიკალური - ცუდია, - ეს მიდგომა არასწორია

თურქეთის საგარეო საქმეთა მინისტრ მევლუთ ჩაუშოღლუს განცხადებით, ტერორისტულ აქტებთან დაკავშირებით საქართველოსა და აზერბაიჯანის პოზიციები თურქეთის პოზიციებს ემთხვევა.

ამის შესახებ, თურქეთის საგარეოს საქმეთა მინისტრმა, აზერბაიჯანისა და საქართველოს საგარეო უწყებების ხელმძღვანელებთან სამმხრივი შეხვედრების დასრულების შემდეგ განაცხადა.

„ტერორისტულ დაჯგუფებასთან ბრძოლა ითვალისწინებს იმას, რომ არ უნდა იყოს განსხვავება კარგ და ცუდ ტერორისტებს შორის. სეკულარული ტერორიზმი უფრო კარგია, რადიკალური ცუდია - ეს მიდგომა არასწორია. ჩვენ აქტიურად ვართ ჩართული ISIS-ის წინააღმდეგ ბრძოლაში. რაც შეეხება ანკარაში მომხდარ ტერორისტულ აქტს ის "დაეშის" მიერ არის ჩადენილი“, - აღნიშნა თურქეთის საგარეოს საქმეთა მინისტრმა.

მევლუთ ჩაუშოღლუმ იქვე აღნიშნა, რომ სამი ქვეყნის მეგობრულ ურთიერთობას ვერაფერი შეცვლის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან