2024-08-20 19:37:06, 623 ნახვა
მსოფლიო
გალანტი - ისრაელის თავდაცვის ძალებმა ხან იუნისის რაიონიდან ექვსი მძევლის ცხედარი დაიბრუნეს
ისრაელის თავდაცვის ძალებმა სამხრეთ ღაზაში, ხან იუნისის რაიონიდან ექვსი მძევლის ცხედარი დაიბრუნეს, – ამის შესახებ ისრაელის თავდაცვის მინისტრმა, იოავ გალანტმა განაცხადა.
როგორც გალანტმა აღნიშნა, სამხედროებმა ექვსი ისრაელელის ცხედარი ხან იუნისში მდებარე გვირაბებში კომპლექსური ოპერაციის შედეგად აღმოაჩინეს.
“ჩვენ გავაგრძელებთ მუშაობას ამ ომის მიზნების მისაღწევად - ისრაელში მძევლების დასაბრუნებლად და “ჰამასის” გასანადგურებლად“, - განაცხადა გალანტმა.
ავტორი: ექსპრესნიუსი,
epn.ge (@expressnews.ge)
