თოფაძე ენმ-ზე: ივანიშვილი, რომ არ მოსულიყო, უნდა შემოსულიყო უცხო ქვეყნის ტანკები, რომ ესენი გაგვეძევებინა

2016-02-18 22:20:35, 445 ნახვა

პოლიტიკა

''ივანიშვილი, რომ არ მოსულიყო, უნდა შემოსულიყო უცხო ქვეყნის ტანკები, რომ ესენი გაგვეძევებინა'' - ამის შესახებ საპარლამენტო უმრავლესობის ერთ-ერთმა ლიდერმა, გოგი თოფაძემ ტელეკომპანია ''იბერიას'' ეთერში განაცხადა.

საპარლამენტო უმრავლესობის ერთ-ერთმა ლიდერმა რესპუბლიკელებთან არსებულ დაპირისპირებაზე და ექსპრემიერზე ისაუბრა, და განაცხადა, რომ არსებულ დაპირისპირებაში ექსპრემიერის ჩარევა არ ღირს, რადგან, მისი თქმით, ივანიშვილს ბევრი საქმე აქვს გასაკეთებელი და არ სცალია.

დეპუტატმა ასევე ხაზი გაუსვა იმას, რომ ექსპრემიერმა საქართველოში ბევრი, რამ გააკეთა და რომ არა ის, უნდა შემოსულიყვნენ უცხო ქვეყნის ტანკები და ყოფილი ხელისუფლების წევრები გაეძევებინა.

''ბიძინა ივანიშვილს ნუ ჩავრევთ, სად სცალია მაგას იმდენი საქმეები აქვს გასაკეთებელი და იმდენი რამე გააკეთა უკვე საქართველოში, რომ მოდი უმადურები ნუ ვიქნებით. ან ბიძინა უნდა მოსულიყო, ან რაღაცა უბედურება უნდა მომხდარიყო. უნდა შემოვარდნილიყო რომელიმე ქვეყნის ტანკები, რომ ესენი აქედან გაგვეძევებინა,'' - განაცხადა მრეწველების ლიდერმა, გოგი თოფაძემ.