ნატოს გენერალური მდივანი იენს სტოლტენბერგი აცხადებს, რომ რუსეთთან პატიმრების გაცვლის შეთანხმება ნატოს მოკავშირეების მჭიდრო თანამშრომლობის შედეგად გახდა შესაძლებელი.

სტოლტენბერგის თქმით, მშვიდობიანი ოპოზიციის უფლება და მედიის თავისუფლება ნებისმიერი მოქმედი საზოგადოებისთვის სასიცოცხლოდ მნიშვნელოვანია.

“მივესალმები მოკავშირეთა უკანონოდ დაკავებული მოქალაქეებისა და რუსი პოლიტპატიმრების გათავისუფლებას. ნატოს მოკავშირეებს შორის მჭიდრო თანამშრომლობამ ეს მიღწევა შესაძლებელი გახადა. მშვიდობიანი ოპოზიციის უფლება და მედიის თავისუფლება სასიცოცხლოდ მნიშვნელოვანია ნებისმიერი მოქმედი საზოგადოებისთვის“,- წერს ნატოს გენერალური მდივანი სოციალურ ქსელ X-ზე.

შეგახსენებთ, თურქეთის დედაქალაქ ანკარაში რუსეთსა და დასავლეთის ქვეყნებს შორის პატიმრების გაცვლა მოხდა. გაცვლის პროცესში 26 პირი მონაწილეობდა. რუსეთმა დასავლეთის ქვეყნებს 16 ადამიანი გადასცა, მათ შორის არიან: რუსეთში დაკავებული Wall Street Journal-ის რეპორტიორი ევან გერშკოვიჩი; პოლიტიკოსები ილია იაშინი და ვლადიმირ ყარა-მურზა; რუსი ოპოზიციონერის, ალექსეი ნავალნის შტაბების ყოფილი უფროსები ლილია ჩანიშევა; ქსენია ფადეევა და ვადიმ ოსტანინი; აშშ-ის ყოფილი სამხედრო მოსამსახურე პოლ უილანი. ამასთან, გერმანიამ რუსეთს გადასცა ვადიმ კრასიკოვი, რომელიც საქართველოს მოქალაქის, ზელიმხან ხანგოშვილის მკვლელობისთვის იყო მსჯავრდებული.

ავტორი: ექსპრესნიუსი,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა