საქართველოს სჭირდება ისეთი ძლიერი მოკავშირის მხარდაჭერა, როგორიც რუსეთია,- ამის შესახებ რუსი ულტრანაციონალისტი იდეოლოგი ალექსანდრ დუგინი Telegram-ზე წერს.

დუგინის განცხადებით, "რუსეთში, ტრადიციული ფასეულობების მნიშვნელობისა და შენარჩუნების შესახებ, ქართველი ხალხის პოზიციას იზიარებენ".

"საქართველოს პარლამენტში შევიდა კანონპროექტი ლგბტ პროპაგანდის შესახებ, რომელიც რუსეთში ადრე ექსტრემისტულად იყო აღიარებული და აკრძალული. კანონპროექტების პაკეტი, სახელწოდებით "ოჯახური ფასეულობებისა და არასრულწლოვანთა დაცვის შესახებ" ასევე კრძალავს სქესის შეცვლას.

მმართველი პარტიის აღმასრულებელმა მდივანმა განმარტა, რომ მათი მიზანია, დაიცვან ოჯახური ღირებულებები და მომავალი თაობები "ფსევდოლიბერალური პროპაგანდის გამოუსწორებელი შედეგებისგან".

პარტია "ქართული ოცნება“ თანმიმდევრულად იცავს საქართველოს სუვერენიტეტს, მიუხედავად ატლანტიკოსების მცდელობისა, შეარყიოს ვითარება ქვეყანაში და მოახდინოს ხელისუფლებაზე ზეწოლა. საქართველოს, სომხეთისგან და მოლდოვისგან განსხვავებით, რომლებთანაც ის ევროკავშირში გაწევრიანებას ცდილობს, ესმის, თუ რა მოჰყვება ჰეგემონის წესების უდავო მორჩილებას: სუბიექტურობის დაკარგვა და სრული პოლიტიკური დამოკიდებულება აშშ-სა და ევროპაზე.

შესაძლოა, თბილისსა და სხვა ქალაქებში საპროტესტო ტალღები გაძლიერდეს და დასავლეთისთვის ეს კიდევ ერთი მიზეზი გახდეს საქართველოში მორიგი ფერადი რევოლუციისთვის. ამიტომ, ქვეყანას სჭირდება ისეთი ძლიერი მოკავშირის მხარდაჭერა, როგორიც რუსეთია, რომელთანაც ურთიერთობა აქტიურად მიმდინარეობს და სადაც იზიარებენ ქართველი ხალხის პოზიციას ტრადიციული ფასეულობების მნიშვნელობისა და შენარჩუნების შესახებ",- წერს დუგინი სოციალურ ქსელში.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი