ჩვენ ვნახეთ 21-ე საუკუნის ორჯონიკიძეები, რომლებიც საკუთარ სამშობლოს ასმენენ,- ასე ეხმაურება პარლამენტის თავმჯდომარე შალვა პაპუაშვილი ამერიკის შეერთებული შტატების კონგრესში საქართველოსთან დაკავშირებით გამართულ განხილვას.

პაპუაშვილმა ჟურნალისტებთან საუბრისას, განხილვაში მონაწილე ევროკავშირში საქართველოს მისიის ყოფილი ხელმძღვანელ ნატალია საბანაძესა და "ღია საზოგადოების ფონდის" ევროინტეგრაციის პროგრამის მენეჯერ ვანო ჩხიკვაძეს მოღალატეები უწოდა.

"ჩვენ ვნახეთ 2 მოღალატე და არცერთი მეგობარი. აი, ეს არის საბოლოოდ ის დასკვნა, რაც ჩვენ შეგვიძლია გამოვიტანოთ გუშინდელი განხილვიდან. ჩვენ ვნახეთ 21-ე საუკუნის ორჯონიკიძეები,  რომლებიც საკუთარ სამშობლოს ასმენენ სხვა ქვეყნის საკანონმდებლო ორგანოში და რომლებმაც საკუთარი ქვეყნის წინააღმდეგ ჩვენება მისცეს დაკითხვის დროს სხვა ქვეყნის საკანონმდებლო ორგანოს წარმომადგენლებს. ამაზე დიდი სირცხვილი რა შეიძლება ადამიანს შეეყაროს, არ ვიცი",- თქვა პაპუაშვილმა.

შეგახსენებთ, ამერიკის შეერთებული შტატების კონგრესში საქართველოსთან დაკავშირებით განხილვა გაიმართა, რომელშიც "ღია საზოგადოების ფონდის" ევროინტეგრაციის პროგრამის მენეჯერი ვანო ჩხიკვაძე და ევროკავშირში საქართველოს მისიის ყოფილი ხელმძღვანელი ნატალია საბანაძეც მონაწილეობდნენ.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი