2024-05-09 09:28:07, 460 ნახვა
მსოფლიო
CNN - ისრაელის საჰაერო თავდასხმას რაფაჰზე 4 ადამიანი ემსხვერპლა, 25-ზე მეტი დაჭრილია
ისრაელის მიერ დასავლეთ რაფაჰზე თავდასხმის შედეგად 4 ადამიანი დაიღუპა, 25-ზე მეტი დაჭრილია და საავადმყოფოში მკურნალობს. ამის შესახებ ინფორმაციას CNN ალ-ქუვეითის საავადმყოფოზე დაყრდნობით ავრცელებს.
მედიის ცნობით, დაშავებულთა უმეტესობა ბავშვები არიან, რომელთაგან 2 მძიმე მდგომარეობაშია.
მათივე ინფორმაციით, ალ-ქუვეითის საავადმყოფო ერთადერთია, რომელიც რაფაჰში მოქმედებს და ჯანდაცვის მსოფლიო ორგანიზაციის თანახმად, ისიც მხოლოდ ნაწილობრივ ახერხებს ფუნქციონირებას.
ავტორი: ექსპრესნიუსი,
epn.ge (@expressnews.ge)
