2024-04-25 22:04:22, 534 ნახვა
მსოფლიო
შოლცი - საფრანგეთს და გერმანიას სურს, რომ ევროპა ძლიერი დარჩეს
საფრანგეთს და გერმანიას სურს, რომ ევროპა ძლიერი დარჩეს, - ამის შესახებ გერმანიის კანცლერი ოლაფ შოლცი სოციალურ ქსელ X-ზე (ყოფილ Twitter-ზე) წერს.
შოლცმა მხარი დაუჭირა საფრანგეთის პრეზიდენტ ემანუელ მაკრონის იდეებს, რომლის მიხედვითაც "ევროპამ უნდა გააძლიეროს თავდაცვის შესაძლებლობები და ევროკავშირი უფრო აქტიური უნდა იყოს გლობალურ ასპარეზზე".
„საფრანგეთს და გერმანიას ერთად სურთ, ევროპა ძლიერი დარჩეს. თქვენი სიტყვა შეიცავს კარგ იმპულსებს ამის მისაღწევად. ჩვენ ერთად წავწევთ წინ ევროკავშირს პოლიტიკურად და ეკონომიკურად. მხარს ვუჭერთ სუვერენულ და ინოვაციურ ევროკავშირს. გაუმარჯოს ევროპას“, - წერს შოლცი.
ავტორი: ექსპრესნიუსი,
epn.ge (@expressnews.ge)
