2024-04-19 23:39:34, 440 ნახვა
საზოგადოება
აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
მოძრაობების, „ჯიუტისა“ და „დაფიონის“ ორგანიზებით მიმდინარე აქციის მონაწილეები გმირთა მოედანზე იმყოფებოდნენ.
აქციის მონაწილეების განცხადებით, გმირთა მემორიალთან მათ ფიცი დადეს, რომ მმართველ პარტიას „უცხოური გავლენის გამჭვირვალობის შესახებ“ კანონს არ მიაღებინებენ.
„არასოდეს დავთმობთ მოქალაქის თავისუფლებას, არასოდეს შევურიგდებით ძალას, რომელიც ჩვენი ქვეყნის მტრისთვის, რუსეთისთვის დათმობას ცდილობს. ვიდგებით ერთმანეთის მხარდამხარ, დავიცათ საქართველოს სახელმწიფობრიობას, ჩვენს მამულსა და ერთიანობას. გაუმარჯობს, დამოუკიდებელ, ერთიან საქართველოს“, - განაცხადეს აქციის მონაწილეებმა ფიცის დადებისას.
ავტორი: ექსპრესნიუსი,
epn.ge (@expressnews.ge)
