გარემოს დაცვისა და სოფლის მეურნეობის მინისტრის პირველი მოადგილე ნინო თანდილაშვილი ენერგეტიკული გაერთიანების (Energy Community) ევროპის მწვანე შეთანხმების (European green deal) განყოფილების ხელმძღვანელს, ადამ ცვეჩს შეხვდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, შეხვედრაზე მხარეებმა კლიმატის ცვლილებისა და გარემოსდაცვითი მიმართულებით ენერგეტიკული გაერთიანების ხელშეკრულებით ნაკისრი ვალდებულებების შესრულების მიმდინარეობის საკითხები განიხილეს.

„მინისტრის პირველმა მოადგილემ, საკანონმდებლო სფეროში ქვეყნის მნიშვნელოვან პროგრესზე  ისაუბრა და ყურადღება გარემოზე ზემოქმედების შეფასების (EIA) და სტრატეგიული გარემოსდაცვითი შეფასების (SEA) სისტემის გაუმჯობესებაზე გაამახვილა. 

საუბარი შეეხო „სამრეწველო ემისიების შესახებ“ საქართველოს კანონის მიღების მნიშვნელობის საკითხს, ასევე, საქართველოს განახლებული, ეროვნულ დონეზე განსაზღვრული წვლილის დოკუმენტს (NDC) და 2030 წლის კლიმატის ცვლილების სტრატეგიას.

ადამ ცვეჩის განცხადებით, საქართველოს გარემოსდაცვითი მიმართულებით არსებული ვალდებულებების შესრულების კუთხით, თვალსაჩინო პროგრესი აქვს; შესაბამისად, ენერგეტიკული გაერთიანება მზადაა, ხელი შეუწყოს საქართველოს კლიმატის ცვლილებისა და, ზოგადად, გარემოს დაცვის სფეროში არსებული რეგულაციების ევროკავშირის სტანდარტებთან ჰარმონიზაციის პროცესს.

ენერგეტიკული გაერთიანება საერთაშორისო ორგანიზაციაა, რომლის მთავარ მიზანს წევრ ქვეყნებში გარემოსდაცვითი მდგომარეობის გაუმჯობესება, ენერგოეფექტური ღონისძიებების განხორციელების და განახლებადი ენერგიის გამოყენების ხელშეწყობა წარმოადგენს.

ენერგეტიკულ გაერთიანებაში საქართველო  2017 წლის 1 ივლისს გაწევრიანდა.

შეხვედრას ენერგეტიკული გაერთიანების წარმომადგენლები და სამინისტროს შესაბამისი სამსახურის ხელმძღვანელი პირები ესწრებოდნენ“, - აღნიშნულია უწყების ინფორმაციაში.

ავტორი: NS (სტატია დაფინანსებულია),

სოციალური ქსელები

მესი ოლეგ სალენკოს შემდეგ პირველი ფეხბურთელია, რომელმაც მსოფლიო ჩემპიონატის ერთ მატჩში სამი გოლი გაიტანა

თიბისის მხარდაჭერით, ვაზიანში 13 მზის ელექტროსადგური ამოქმედდა

Bloomberg: ტრამპმა შეწყვიტა რუსეთის ბრძოლის ველზე გამარჯვების რწმენა

ექსპრეს ლომბარდის სტანდარტი: ნივთის შეფასება სერტიფიცირებული ექსპერტების მიერ