ტერორისტების მიერ მოსკოვის გარეუბანში სისხლიან თავდასხმამდე ორი კვირით ადრე, ამერიკის შეერთებული შტატების მთავრობამ რუს ოფიციალურ პირებს განუცხადა, რომ Crocus City Hall თავდასხმის პოტენციური სამიზნე იყო,- ამის შესახებ The Washington Post-ი წერს.

გამოცემის ცნობით, აშშ-ის ოფიციალურმა პირებმა საჯაროდ განაცხადეს, რომ დაჯგუფებას, რომელიც ცნობილია როგორც „ისლამური სახელმწიფო-ხორასნის" - ISIS-K-ს სახელით, „ერთპიროვნული პასუხისმგებლობა ეკისრება“, მაგრამ რუსეთის პრეზიდენტი ვლადიმერ პუტინი ცდილობდა, აღნიშნული უკრაინისთვის დაებრალებინა.

როგორც გამოცემა წერს, რუსეთის საგარეო დაზვერვის სამსახურის ხელმძღვანელმა, სერგეი ნარიშკინმა განაცხადა, რომ „შეერთებული შტატების მიერ გაზიარებული ინფორმაცია ზედმეტად ზოგადი იყო და არ გვაძლევდა საშუალებას, სრულად გამოგვევლინა ისინი, რომლებმაც ჩაიდინეს ეს საშინელი დანაშაული".

შეგახსენებთ, რუსეთში, Crocus City Hall-ზე თავდასხმა 22 მარტს მოხდა. საკონცერტო დარბაზში რამდენიმე შეიარაღებულმა პირმა ცეცხლი გახსნა , რომლის შედეგადაც 130-ზე მეტი ადამიანი დაიღუპა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა