ზუსტად შვიდი წლის წინ, ჩვენმა მოქალაქეებმა მიიღეს შესაძლებლობა, თავისუფლად ემოგზაურათ ევროპაში, - ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

როგორც პაპუაშვილი აღნიშნავს, „ბევრი ელოდა საქართველოდან მასობრივ გამოსვლას, მაგრამ ამ თვალსაზრისით, უვიზო მიმოსვლამ მხოლოდ ახალი ჰორიზონტები გახსნა და მოქალაქეებს ფართო შესაძლებლობები მოუტანა".

„ახლა, ევროინტეგრაციის გზაზე „ქართული ოცნების“ მიერ მიღწეული ათწლიანი პროგრესის შემდეგ, როდესაც ევროკავშირის კანდიდატი ქვეყნის სტატუსიც მოვიპოვეთ, უვიზო მიმოსვლის მეშვიდე წლისთავი ყველა ჩვენს მიღწევას გვახსენებს. 

ჩვენ დავამყარეთ უვიზო ან გამარტივაბეული სავიზო მიმოსვლა მრავალ ქვეყანასთნ, მათ შორის ჩინეთთან და მტკიცედ ვაგრძელებთ მსგავსი პარტნიორობის ხელშეწყობას სხვა ქვეყნებთან, რათა სახელმწიფოებს შორის პარტნიორობის სიკეთეები კიდევ უფრო ხელშესახები გახდეს ჩვენი მოქალაქეებისთვის.

ასევე, „პასპორტის გლობალურ ინდექსში“ ქართული პასპორტი 51-ე ადგილს იკავებს, ჩვენს მოქალაქეებს უვიზოდ ან გამარტივებული სავიზო პროცედურებით 122 ქვეყნის მონახულება შეუძლიათ. და რაღა თქმა უნდა, გველოდეთ EURO-2024-ზე“,- წერს შალვა პაპუაშვილი.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა