2024-02-29 23:54:11, 890 ნახვა
მსოფლიო
გაეროს გენერალური მდივანი ღაზას სექტორში ჰუმანიტარული დახმარების დარიგებისას მომხდარ შემთხვევას გმობს
გაეროს გენერალური მდივანი ანტონიუ გუტერეში ღაზას სექტორში ჰუმანიტარული დახმარების დარიგებისას მომხდარ შემთხვევას გმობს. ამის შესახებ გაეროს სპიკერმა, სტეფან დუჟარიკმა განაცხადა.
როგორც გაეროს სპიკერი აღნიშნავს, ღაზაში მოქალაქეებს დახმარება სასწრაფოდ სჭირდებათ.
„ღაზაში სასოწარკვეთილ მოქალაქეებს სასწრაფოდ სჭირდებათ დახმარება, მათ შორის ალყაშემორტყმულ ჩრდილოეთში, სადაც გაერთიანებული ერების ორგანიზაციამ ვერ შეძლო დახმარების მიწოდება ერთ კვირაზე მეტი ხნის განმავლობაში“, - განაცხადა დუჟარიკმა.
ცნობისთვის, ღაზას სექტორში ჰუმანიტარული დახმარების დარიგებისას მომხდარი შემთხვევის დროს 104 ადამიანი დაიღუპა და 760-ზე მეტი დაშავდა.
ავტორი: ექსპრესნიუსი,
epn.ge (@expressnews.ge)
