2024-02-23 21:47:26, 795 ნახვა
მსოფლიო
უკრაინის პრეზიდენტი ლვოვში ამერიკელ სენატორებს შეხვდა
ლვოვის რეგიონში სამუშაო ვიზიტით მყოფი უკრაინის პრეზიდენტი აშშ-ის სენატის დემოკრატიული უმრავლესობის ლიდერს ჩაკ შუმერს, ასევე სენატორებს რიჩარდ ბლუმენტალს, ჯეკ რიდს, მაიკლ ბენეტისა და მეგი ჰასანს შეხვდა.
ვოლოდიმირ ზელენსკიმ აშშ-ს ომის 2 წლის მანძილზე გაწეული დახმარებისთვის მადლობა კიდევ ერთხელ გადაუხადა.
„ეს არის სერიოზული გზავნილი აშშ-სგან, ამერიკელი ხალხისგან. ეს იმაზე მეტყველებს, რომ მხარს გვიჭერთ. ამერიკელები ჭეშმარიტების მხარეს არიან და ჩვენ საერთო ღირებულებებს ვიზიარებთ. მადლობას გიხდით, რომ გვეხმარებით დემოკრატიის შენარჩუნებაში არა მხოლოდ უკრაინაში. დემოკრატიისა და თავისუფლებისთვის ბრძოლა მთელ მსოფლიოში უნდა გაგრძელდეს. ამ ორი წლის განმავლობაში ჩვენ ყოველთვის გვქონდა განცდა, რომ აშშ ჩვენთანაა", - განაცხადა ზელენსკიმ.
ავტორი: ექსპრესნიუსი,
epn.ge (@expressnews.ge)
