თავდაცვის მინისტრობის კანდიდატმა, ირაკლი ჩიქოვანმა საქართველოს საკანონმდებლო ორგანოში კომიტეტების გაერთიანებულ სხდომაზე თავდაცვის სამინისტროს სოციალური პოლიტიკის შესახებ ისაუბრა, რომელიც სამხედრო მოსამსახურეებისთვის ღირსეული პირობების შექმნას ისახავს მიზნად. 

თავდაცვის მინისტრობის კანდიდატმა სიტყვით გამოსვლისას აღნიშნა, რომ ამ მიმართულებით მუშაობა ერთ-ერთი მთავარი პრიორიტეტი იქნება. 

„გაგრძელდება თავდაცვის ძალებისა და თავდაცვის სამინისტროს მოსამსახურეთა, მათი ოჯახის წევრთა, დაღუპული სამხედრო მოსამსახურეების ოჯახის წევრთა სამედიცინო მომსახურება - რეაბილიტაციის ეფექტიანობის ამაღლება და დაჭრილ/დაშავებულ სამხედრო მოსამსახურეთა საზოგადოებაში რეინტეგრაციისა და რესოციალიზაციის ღონისძიებები. სამხედრო მოსამსახურეებისთვის გაგრძელდება ბინათმშენებლობის თანადაფინანსება და სოციალური პროექტები, განვითარდება სამხედრო-სამედიცინო შესაძლებლობები. ხელფასები ბოლო ოთხ წელიწადში მნიშვნელოვნად გაიზარდა, მათ შორის 2024 წელს გაიზარდა 10%-ით. 2023 წელს დასრულდა სამხედროების ბინებით უზრუნველყოფის პროექტი მახათას მთაზე, სადაც 1092 ბინა გადაეცა სამხედრო მოსამსახურეებს. პროექტი თანამონაწილეობის პრინციპით განხორციელდა და ახალი კოდექსით ეს პროექტი განგრძობითი ხასიათის გახდა. სამხედროებისა და მათი ოჯახებისთვის განათლების მიღების მხარდაჭერის პროექტის ფარგლებში სწავლა უკვე 5700-მდე სამხედრო მოსამსახურესა და მათი ოჯახის წევრს დაუფინანსდა. მაღალი აკადემიური მოსწრებისთვის კი, სტიპენდია 790 ბენეფიციარზე გაიცა. ცხადია, სახელმწიფო გააგრძელებს მათ დაფასებას, მათთვის საუკეთესო სამუშაო, საყოფაცხოვრებო, კვებითი, განათლებისა და ჯანდაცვის პირობების შექმნას. ჩვენ ვიდგებით ყველა ჯარისკაცის გვერდით და გავაკეთებთ მაქსიმუმს, იმისთვის, რომ სამხედროები იყვნენ  დაფასებულები“,- განაცხადა ირაკლი ჩიქოვანმა.

ავტორი: NS (სტატია დაფინანსებულია),

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა