პოლონეთის დედაქალაქ ვარშავაში ათიათასობით ადამიანი ყოფილი შინაგან საქმეთა მინისტრის, მარიუშ კამინსკისა და მისი ყოფილი მოადგილის, მაცეი ვონსიკზეს დაკავების გასაპროტესტებლად პარლამენტის წინ შეიკრიბა. ამის შესახებ ინფორმაციას Reuters-ი ავრცელებს.

მარიუშ კამინსკისა და მაცეი ვონსიკზეს დაკავებასთან ერთად, აქციაზე შეკრებილი ხალხი საზოგადოებრივ მედიებში გატარებულ რეფორმებსაც აპროტესტებს.

"ჩვენ უნდა მოვიგოთ ეს ბრძოლა სუვერენიტეტისთვის, დამოუკიდებელი პოლონეთისთვის", - ასე მიმართა მთავარი ოპოზიციური პარტიის, "კანონისა და სამართლის" ლიდერმა, იაროსლავ კაჩინსკიმ აქციაზე შეკრებილ ხალხს.

ცნობისთვის, შინაგან საქმეთა ყოფილ მინისტრი მარიუშ კამინსკისა და მისი ყოფილი მოადგილე მაცეი ვონსიკზე პოლონეთის პოლიციამ უფლებამოსილების ბოროტად გამოყენებისთვის დააკავა.

გუშინ, 11 იანვარს კი, პოლონეთის პრეზიდენტმა, ანჯეი დუდამ განაცხადა, რომ ყოფილი შს მინისტრისა და მისი მოადგილის შეწყალების პროცედურას დაიწყებს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია