ესტონეთი სამი წლის განმავლობაში შეიარაღების გასაუმჯობესებლად უკრაინას 1,2 მილიარდი ევროს ოდენობის დახმარებას გამოუყოფს,- ამის შესახებ ესტონეთის პრეზიდენტმა, ალარ კარისმა ტალინში უკრაინის პრეზიდენტთან, ვოლოდიმირ ზელენსკისთან ერთობლივ პრესკონფერენციაზე განაცხადა.

კარისის თქმით, აღნიშნულ დახმარებას უკრაინა 2027 წლამდე მიიღებს.

„უკრაინას სჭირდება მეტი და უკეთესი შეიარაღება. აუცილებელია, ევროკავშირის სამხედრო მრეწველობის სიმძლავრის გაზრდა, რომ უკრაინამ მიიღოს ის, რაც სჭირდება არა ხვალ, არამედ დღეს.

ჩვენ არ უნდა გვქონდეს არანაირი შეზუდვა უკრაინისთვის იარაღის მიწოდებაზე“, - განაცხადა ალარ კარისმა.

მისივე თქმით, მოლაპარაკებებთან დაკავშირებით ზეწოლას არ ექნება წარმატება, ვიდრე ევროპაში და მის გარეთ არის ერთიანობა მოკავშირეებს შორის.

„ზოგიერთ ქვეყანას არ უნდა მივცეთ შესაძლებლობა, დაარღვიონ ეს ერთიანობა“, - დასძინა კარისმა.

შეგახსენებთ, რომ უკრაინის პრეზიდენტი ვოლოდიმირ ზელენსკი ოფიციალური ვიზიტით ესტონეთში დღეს, 11 იანვარს ჩავიდა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია