2024-01-10 17:14:56, 1420 ნახვა
ომი უკრაინაში
ლიეტუვამ უკრაინის სამხედრო დახმარების გრძელვადიანი, 200-მილიონიანი პაკეტი დაამტკიცა
ლიეტუვის ეროვნული თავდაცვის საბჭომ დაამტკიცა უკრაინის გრძელვადიანი სამხედრო დახმარების პაკეტი, რომელიც 200 მილიონი ევროს ღირებულებისაა, - ამის შესახებ ლიეტუვის პრეზიდენტმა, გიტანას ნაუსედამ უკრაინის პრეზიდენტთან, ვოლოდიმირ ზელენსკისთან გამართულ ერთობლივ პრესკონფერენციაზე განაცხადა.
როგორც ნაუსედამ აღნიშნა, ლიეტუვა გააკეთებს ყველაფერს იმისთვის, რომ უკრაინამ რუსეთი დაამარცხოს.
"იანვარში ჩვენ კვლავ გავაგზავნით საბრძოლო მასალას, გენერატორებს, დეტონაციის სისტემებს უკრაინაში, თებერვალში კი M577-ის ტიპის ჯავშანტრანსპორტიორებს. მოვამზადებთ უკრაინელ ჯარისკაცებს და გავაძლიერებთ თანამშრომლობას თავდაცვის ინდუსტრიაში", - განაცხადა ნაუსედამ.
ცნობისთვის, მანამდე, უკრაინის პრეზიდენტი ვოლოდიმირ ზელენსკი ლიეტუვის პრეზიდენტს, გიტანას ნაუსედას პირისპირ შეხვდა.
ავტორი: ექსპრესნიუსი,
epn.ge (@expressnews.ge)
