ირანის სამხრეთ ნაწილში მომხდარ 2 აფეთქებაზე პასუხისმგებლობა "ისლამურმა სახელმწიფომ" (ISIS) აიღო. ამის შესახებ ინფორმაციას CNN ავრცელებს.

შემთხვევა 2 დღის წინ, ქალაქ კერმანში იმ დროს მოხდა, როდესაც ირანის ელიტური დანაყოფის "ყუდსის ძალების" ყოფილი მეთაურის, ყასემ სოლეიმანის საფლავთან ახლოს, მისი მკვლელობის მეოთხე წლისთავზე მსვლელობა იმართებოდა.

ISIS-ის მიერ მართულმა მედიამ აფეთქებებიდან 24 საათის შემდეგ გაავრცელა განცხადება, რომელშიც ნათქვამი იყო, რომ ორმა თვითმკვლელმა ტერორისტმა, რომლებიც ძმები იყვნენ, ასაფეთქებელი ქამრები 20 წუთის შუალედით აამოქმედა.

ირანის შინაგან საქმეთა მინისტრმა თქვა, რომ მეორე, უფრო მომაკვდინებელი აფეთქება მაშინ მოხდა, როცა მოქალაქეები პირველი აფეთქების შედეგად დაჭრილების დახმარებას ცდილობდნენ.

ქვეყანამ მომხდარის გამო გლოვა გამოაცხადა, პრეზიდენტმა, იბრაჰიმ რაისმა კი, თურქეთში დაგეგმილი ვიზიტი გააუქმა.

ვიდრე პასუხისმგებლობას "ისლამური სახელმწიფო" აიღებდა, ირანის პრეზიდენტმა მომხდარში ისრაელი დაადანაშაულა და თქვა, რომ ის "მძიმე ფასს" გადაიხდის. ისრაელის სამხედროებმა პასუხად განაცხადეს, "ამ საკითხზე კომენტარი არ აქვთ".

ამ დროისთვის არსებული ინფორმაციით, აფეთქებების შედეგად დაღუპულთა რიცხვი 80-ს აჭარბებს. აღსანიშნავია, რომ მსხვერპლთა და დაშავებულთა შესახებ ირანი და ISIS-ი განსხვავებულ მონაცემებს ავრცელებენ.

ცნობისთვის, ირანის ელიტური დანაყოფის "ყუდსის ძალების" ყოფილი მეთაური და ქვეყნის ერთ-ერთი გავლენიანი ადამიანი ყასემ სოლეიმანი 2020 წლის 3 იანვარს მოკლეს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია