2023-12-28 22:52:56, 815 ნახვა
საზოგადოება
გიული ალასანია სააკაშვილზე - დაზიანებული ხერხემალი პროგრესირებს - თუ არ ჩაუტარდა სათანადო მკურნალობა, შეიძლება ვეღარ გაიაროს
ქვეყნის მესამე პრეზიდენტის, მიხეილ სააკაშვილის ჯანმრთელობის მდგომარეობასთან დაკავშირებით, ბოლო დღეებში გაკეთებულ სხვადასხვა განცხადებებს მისი დედა, გიული ალასანია "მთავარი არხის" ეთერში გამოეხმაურა.
როგორც ალასანია აღნიშნავს, სააკაშვილის ხერხემლის დაზიანება პროგრესირებს და არ არის გამორიცხული, სათანადო მკურნალობის არჩატარების შემთხვევაში, მან საერთოდ ვეღარ გაიაროს.
"დაზიანებული ხერხემალი, რა თქმა უნდა პროგრესირებს. ფეხების სისუსტის ერთ-ერთი მიზეზიც ეს არის სწორედ, დაზიანებული ხერხემალი. ითქვა, რომ თუ ესე გაგრძელდა, თუ არ ჩაუტარდა სათანადო მკურნალობა ცოტა ხნის შემდეგ, შეიძლება საერთოდ ვეღარ გაიაროს."- ამბობს გიული ალასანია.
ავტორი: ექსპრესნიუსი,
epn.ge (@expressnews.ge)
