2023-12-28 21:42:20, 1262 ნახვა
ომი უკრაინაში
ზელენსკი - ევროპისა და აშშ-ის უსაფრთხოება რუსეთისთვის გაცემულ ძალისმიერ პასუხზეა დამოკიდებული
ევროპისა და აშშ-ის უსაფრთხოება რუსეთისთვის გაცემულ ძალისმიერ პასუხზეა დამოკიდებული, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
ზელენსკიმ აშშ-ის პრეზიდენტ ჯო ბაიდენსა და კონგრესს გამოცხადებული 250 მილიონი დოლარის სამხედრო პაკეტისთვის მადლობა გადაუხადა.
"მადლობას ვუხდი ჯო ბაიდენს, კონგრესს, ამერიკელ ხალხს გუშინ გამოცხადებული 250 მილიონი დოლარის სამხედრო დახმარების პაკეტისთვის. საჰაერო თავდაცვის დამატებითი რაკეტები და კომპონენტები, ტანკსაწინააღმდეგო იარაღი, საბრძოლო მასალა და სხვა აღჭურვილობა დაფარავს უკრაინის საჭიროებებს", - განაცხადა ვოლოდიმირ ზელენსკიმ.
ცნობისთვის, აშშ-მა უკრაინას 250 მლნ დოლარის ოდენობის სამხედრო დახმარების პაკეტი გამოუყო.
ავტორი: ექსპრესნიუსი,
epn.ge (@expressnews.ge)
