რუსეთის ხელისუფლება უკრაინის წინააღმდეგ ომში გენერალ-მაიორ ვლადიმერ ზავადსკის დაღუპვას ადასტურებს. 

როგორც ვორონეჟის ოლქის გუბერნატორმა, ალექსანდრე გუსევმა განაცხადა, მე-14 არმიის კორპუსის მეთაურის მოადგილე, გენერალ-მაიორი ვლადიმერ ზავადსკი უკრაინაში, "სპეცოპერაციის ზონაში" დაიღუპა.

გუბერნატორს დამატებით დეტალებზე არ უსაუბრია.

აღსანიშნავია, რომ დაუდასტურებელი ცნობები ზავადსკის სიკვდილის შესახებ მედიაში რამდენიმე დღის წინ გაჩნდა. გავრცელებული ინფორმაციით, რუსი გენერალ-მაიორი უკრაინაში ნაღმზე აფეთქდა.

სამხედრო გამოცემა Novorossiya იტყობინებოდა, რომ ზავადსკი ხარკოვის ოლქის ქალაქ იზიუმთან გარდაიცვალა. სხვა წყაროების თანახმად, სამხედრო მაღალჩინოსანი, შესაძლოა, ხერსონის ოლქის სოფელ კრინკის მახლობლად დაღუპულიყო.

ცნობისთვის, ვლადიმერ ზავადსკი გახდა მე-7 გენერალი, რომელიც უკრაინაში რუსეთის შეჭრის შემდეგ დაიღუპა. 4 რუსი გენერალი - ანდრეი სუხოვეცკი, ვლადიმერ ფროლოვი, კანამატ ბოტაშევი და რომან კუტუზოვი სრულმასშტაბიანი ომის პირველ ოთხ თვეში გარდაიცვალნენ.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს