პარტია "ლელო - საქართველოსთვის“ ლიდერმა, მამუკა ხაზარაძემ "საქართველოს დაცვის აქტი" წარადგინა. 

ხაზარაძის განცხადებით, "საქართველოს დაცვის აქტი" 9 პუნქტისგან შედგება, რომლის მიზანსაც ქვეყნისა და მოსახლეობის ინტერესების დაცვა წარმოადგენს.

"ლელოში" ჩვენ გვჯერა, რომ დროა, მოვიდეს ხელისუფლება, რომლის ერთადერთი პრიორიტეტი იქნება საქართველოს და მისი ხალხის მსახურება. დღეს "ლელო" აცხადებს 9-პუნქტიან გეგმას, რათა წამოიწყოს ჩვენი ქვეყნის უკან დაბრუნების პროცესი, საქართველოში რუსეთისა და რუსეთის გავლენის დასრულების მიზნით, იმისთვის, რომ ქართველი ხალხის ხმა და საჭიროებები იქნას გაგონილი.

ხვალ, "ლელოს" საპარლამენტო ფრაქცია პარლამენტში განსახილველად შეიტანს "საქართველოს დაცვის აქტს", 9-პუნქტიან გეგმას, რომელიც უზრუნველყოფს ჩვენი ქვეყნის და მოქალაქეების ინტერესების დაცვას და შეზღუდავს რუსულ შემოსევას საქართველოში",- თქვა ხაზარაძემ.

მისივე განცხადებით, "საქართველოს დაცვის აქტში" შედის:

1. სავიზო რეგულაციის დაწესება რუსეთის მოქალაქეებისთვის;
2. დასაქმების ბაზრის დაცვა (პუნქტი ზღუდავს რუსეთის მოქალაქეებისთვის მუშაობის უფლების მიცემას);
3. მიწის გაყიდვის შეზღუდვა;
4. რუსული სანომრე ნიშნიანი მანქანების აკრძალვა
5. რუსული კომპანიებისთვის სახელმწიფო ტენდერებში მონაწილეობის აკრძალვა;
6. რუსული ბიზნესისთვის საოკუპაციო მოსაკრებლის დაწესება;
7. პირდაპირი ფრენების აკრძალვა;
8. რუსულის სატელევიზიო არხების მაუწყებლობის აკრძალვა;
9. რუსული ფონდების აკრძალვა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს