ამერიკის შეერთებული შტატები უკრაინის ენერგეტიკული სისტემის მდგრადობის გასაძლიერებლად კიდევ 500 მილიონი დოლარის გამოყოფს. აღნიშნულის შესახებ ინფორმაციას უკრაინული მედია აშშ-ის სახელმწიფო მდივნის თანაშემწეზე ენერგეტიკული რესურსების საკითხებში, ჯეფრი პიატზე დაყრდნობით ავრცელებს.

პიატის თქმით, აშშ უკრაინის მთავრობასთან მუშაობს, რათა განავითარონ დეცენტრალიზებული ენერგეტიკული სისტემა, რომელიც სრულად იქნება ინტეგრირებული ევროპასთან.

"აშშ-მა უკვე გამოყო 520 მილიონ დოლარზე მეტი უკრაინის ენერგეტიკის სექტორის დასახმარებლად. ვიცით, რომ კიდევ 500 მილიონი აშშ დოლარი გზაშია. ვლადიმერ პუტინი ცდილობდა იარაღად გამოეყენებინა ზამთრის სიცივე და იარაღად გამოეყენებინა ზამთარი უკრაინელი ხალხის ნების დასარღვევად. დარწმუნებული ვარ, ის მარცხს განიცდის“, - განაცხადა პიატმა.

შეგახსენებთ, რომ სექტემბერში უკრაინის ენერგეტიკული სისტემის მდგრადობის უზრუნველსაყოფად აშშ-მა და უკრაინამ ხელი თანამშრომლობის მემორანდუმს მოაწერეს.

ხელშეკრულება ითვალისწინებს 522 მლნ აშშ დოლარს უკრაინის ენერგეტიკული სისტემის გასაძლიერებლად, საიდანაც 100 მილიონი გარკვეული პირობების დაკმაყოფილებისთვისაა გათვალისწინებული.

ავტორი: ექსპრესნიუსი,

სოციალური ქსელები

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს

„გახარია საქართველოსთვის“ პარლამენტში მომხდარი ჩხუბის გამოძიებას მოითხოვს

რა შეიცვალა საქართველოს ეკონომიკისთვის ახლო აღმოსავლეთის შეთანხმებიდან ორი კვირის თავზე?