2023-11-16 21:31:29, 1107 ნახვა
პოლიტიკა
ზურაბიშვილი - ისრაელის ტრანსპორტის მინისტრთან საუბრისას დავგმე ტერორიზმი და გამოვხატე სოლიდარობა
საქართველოს პრეზიდენტი სალომე ზურაბიშვილი ისრაელის ტრანსპორტისა და საგზაო უსაფრთხოების მინისტრ მირი რეგევს ესაუბრა.
როგორც ზურაბიშვილი სოციალურ ქსელში წერს, მირი რეგევთან საუბრისას მან დაგმო ტერორიზმი და ისრაელის მიმართ სოლიდარობა კიდევ ერთხელ გამოხატა.
"ვესაუბრე ისრაელის ტრანსპორტისა და საგზაო უსაფრთხოების მინისტრ მირი რეგევს. ცალსახად დავგმე ტერორიზმი, კიდევ ერთხელ გამოვხატე ჩვენი სოლიდარობა ისრაელის მიერ თავისი ტერიტორიების დაცვისათვის გაწეული ძალისხმევის მიმართ.
იმედი გამოვთქვი მძევლების უსაფრთხო გათავისუფლებისა და სწრაფი ჰუმანიტარული ქმედებების მიმართ, რომლებიც უზრუნველყოფენ ყველა მშვიდობიანი მოქალაქის, განსაკუთრებით, ქალებისა და ბავშვების უსაფრთხოებას", - წერს პრეზიდენტი.
ავტორი: ექსპრესნიუსი,
epn.ge (@expressnews.ge)
