2023-11-11 11:09:02, 1504 ნახვა
ომი უკრაინაში
უკრაინის საჰაერო ძალები - რუსების მიერ გაშვებული 31 უპილოტო საფრენიდან 19 გავანადგურეთ
გასულ ღამეს რუსულმა სამხედრო ძალებმა უკრაინას Shahed ტიპის უპილოტო საფრენი აპარატებითა და სხვადასხვა ტიპის რაკეტებით შეუტიეს. ამის შესახებ ინფორმაციას უკრაინის საჰაერო ძალები ავრცელებს.
როგორც საჰაერო ძალებში აღნიშნავენ, საჰაერო თავდასხმის მოგერიებაში მონაწილეობდნენ გამანადგურებელი თვითმფრინავები, საზენიტო-სარაკეტო დანაყოფები, უკრაინის საჰაერო ძალებისა და თავდაცვის ძალების მობილური საცეცხლე ჯგუფები.
"რუსმა ოკუპანტებმა უპილოტო საფრენი აპარატების უმეტესი ნაწილი ფრონტის ხაზისკენ მიმართეს. საჰაერო თავდაცვის სისტემები მუშაობდა ოდესის, დნეპროპეტროვსკის, ხარკოვის, პოლტავას, სუმის, კიროვოგრადისა და კიევის რეგიონებში", - აცხადებენ საჰაერო ძალებში.
ავტორი: ექსპრესნიუსი,
epn.ge (@expressnews.ge)
