დღევანდელი პოზიტიური რეკომენდაციები ხაზს უსვამს, რომ ევროკავშირი საქართველოს მნიშვნელოვან პარტნიორად აღიქვამს, - ამის შესახებ საქართველოში ევროკავშირის ელჩმა, პაველ ჰერჩინსკიმ ორბელიანის მოედანზე გამართულ ღონისძიებაზე განაცხადა.

ჰერჩინსკის თქმით, სამეზობლოში მშვიდობის დასამყარებლად საქართველოს მნიშვნელოვანი როლის შესრულება შეუძლია.

„ევროკომისიამ ახლახანს გასცა რეკომენდაცია, რომ საქართველოს მიენიჭოს კანდიდატის სტატუსი. მინდა, გულწრფელად მოგილოცოთ ყველა პოლიტიკურ ლიდერს. მინდა, მივულოცო საქართველოს პრეზიდენტს, მისი ძლიერი და ურყევი ძალისხმევისთვის, მაგრამ უპირველეს ყოვლისა, მინდა, მოგილოცოთ ყველას, თქვენ, ქართველ ხალხს. თქვენ ძლიერად და მუდმივად უჭერდით მხარს საქართველოს ევროპულ ინტეგრაციას. ეს არის ევროკავშირისგან ბოლო წლებში მიღწეული პროგრესის დიდი აღიარება.

დღეს, როდესაც ჩვენ ვგლოვობთ რუსი მესაზღვრეების მიერ საქართველოს მოქალაქის საშინელ მკვლელობას, იმედი მაქვს, რომ ევროკომისიის მიერ გაცემული პოზიტიური რეკომენდაცია ასევე იმედის მომცემი იქნება ოკუპირებული ტერიტორიებისთვის, რომ უფრო დაუახლოვდნენ ქვეყანას.

დღევანდელი პოზიტიური რეკომენდაციები ასევე ხაზს უსვამს, რომ ევროკავშირი საქართველოს მნიშვნელოვან პარტნიორად აღიქვამს რეგიონში, რომელსაც შეუძლია, მნიშვნელოვანი როლის შესრულება სამეზობლოში მშვიდობის დასამყარებლად.

ამავდროულად, არ უნდა დავივიწყოთ, რომ ეს რეკომენდაციები დაკავშირებულია სამომავლო რეფორმებთან, მათი შესრულება გადამწყვეტი იქნება შემდეგ ეტაპზე გადასასვლელად. ამისთვის საქართველომ უნდა შეამციროს პოლიტიკური პოლარიზაცია. ჩემი პირველი და ყველაზე მნიშვნელოვანი გზავნილი თქვენთვის, ყველასთვის იქნება, რომ ახლა არის გაერთიანების დრო. ბევრჯერ მინახავს ეს, რომ როდესაც თქვენ გაერთიანებულები ხართ, ბევრი რამის მიღწევა შეგიძლიათ“, - განაცხადა საქართველოში ევროკავშირის ელჩმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს