ჩვენი ხალხი იმსახურებს დადებით პასუხს!- ასე ეხმაურება საქართველოს მესამე პრეზიდენტი მიხეილ სააკაშვილი ევროკომისიის პრეზიდენტის, ურსულა ფონ დერ ლაიენის განცხადებას, რომლის მიხედვითაც, ევროკომისია რეკომენდაციით მიმართავს ევროპულ საბჭოს, რომ საქართველოს ევროკავშირის კანდიდატი ქვეყნის სტატუსი მიენიჭოს.

როგორც სააკაშვილი სოციალურ ქსელში წერს, "ძველი ევროპის უმეტესობას არ სწამს ისე ძლიერ ევროპის, როგორც ქართველებს".

"ქართველი ერი განსაკუთრებული ერთობაა, რომელიც არა მხოლოდ ევროპელია, არამედ ევროენთუზიაზმით გამსჭვალულიცაა. ძველი ევროპის უმეტესობას არ სწამს ისე ძლიერ ევროპის, როგორც ქართველებს, ამიტომ ჩვენი ხალხი იმსახურებს დადებით პასუხს!

ამავე დროს, ჩვენი ხალხი არანაკლებ იმსახურებს იმას, რომ არ ცხოვრობდეს ოლიგარქატის და მაფიოზური სახელმწიფოს პირობებში. ეს სასტიკი სისტემა ქართველებს აიძულებს, დატოვონ საქართველო, საკუთარი და მათი შვილების მომავალი ეძებონ ევროპაში, ამერიკაში, არადა ჩვენი ამოცანაა, რომ ევროპა შემოვიყვანოთ ჩვენთან და ზოგადად, დასავლეთიდან ჩვენი ხალხის დაბრუნების პირობები შევქმნათ.

23 ნოემბერს, “ვარდების რევოლუციიდან” 20 წლისთავი სრულდება, სწორედ მაშინ ავაფრიალეთ პირველად ევროპის დროშა,  ჩვენ ყველამ ერთად უნდა მოვამზადოთ ერთობლივი მანიფესტი ჩვენი ევროპული მომავლის ნათელი ხედვით, ერთიანობისა და განახლების დემონსტრირებით,
გვახსოვდეს, რომ ჩვენს გასაკეთებელს ჩვენს გარდა ვერავინ გააკეთებს!"- წერს სააკაშვილი "ფეისბუქის" გვერდზე.

შენიშვნა: სოციალურ ქსელში გამოქვეყნებიდან გარკვეული დროის შემდეგ, ექსპრეზიდენტის აღნიშნული განცხადება აღარ იძებნება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს