2023-11-08 15:21:37, 3573 ნახვა
პოლიტიკა
ევროკომისია რეკომენდაციით მიმართავს ევროპულ საბჭოს, საქართველოს ევროკავშირის კანდიდატი ქვეყნის სტატუსი მიენიჭოს
ევროკომისია ევროპულ საბჭოს მიმართავს რეკომენდაციით, რომ საქართველოს ევროკავშირის კანდიდატი ქვეყნის სტატუსი მიენიჭოს.
ამის შესახებ ევროკომისიის პრეზიდენტმა, ურსულა ფონ დერ ლაიენმა რამდენიმე წუთის წინ გამართულ საგანგებო ბრიფინგზე განაცხადა.
ლაიენის თქმით, ევროკომისია ასევე მიმართავს ევროსაბჭოს რეკომენდაციით, რომ გაწევრიანებასთან დაკავშირებით გახსნას მოლაპარაკებები უკრაინასა და მოლდოვასთან.
ცნობისთვის, ევროპული საბჭო საქართველოსთვის კანდიდატი ქვეყნის სტატუსის მინიჭების შესახებ საბოლოო გადაწყვეტილებას მიმდინარე წლის დეკემბერში მიიღებს.
ავტორი: ექსპრესნიუსი,
epn.ge (@expressnews.ge)
