სისხლის სამართლის საერთაშორისო სასამართლოს (ICC) მოსამართლე სერხიო გერარდო უგალდე გოდინესზე, რომელმაც რუსეთის პრეზიდენტის, ვლადიმერ პუტინისა და ბავშვთა ომბუდსმენის, მარია ლვოვა-ბელოვას დაკავების ორდერი გასცა, რუსეთმა ძებნა გამოაცხადა. აღნიშნულის შესახებ ინფორმაციას რუსული პროპაგანდისტული მედია ТАСС-ი ავრცელებს.

რუსეთის შინაგან საქმეთა სამინისტროს ცნობით, მოსამართლე სერხიო გოდინესი "რუსეთის სისხლის სამართლის კოდექსის მუხლით" იძებნება, თუმცა არ არის დაკონკრეტებული, რომელი მუხლის დარღვევაში სდებენ მას ბრალს.

“სერხიო გოდინესი იძებნება სისხლის სამართლის კოდექსის მუხლით", - აღნიშნულია რუსეთის შსს-ს განცხადებაში.

შეგახსენებთ, 2023 წლის 17 მარტს, ჰააგის სასამართლომ რუსეთის პრეზიდენტის, ვლადიმერ პუტინისა და ბავშვთა საქმეებში რუსეთის ფედერაციის პრეზიდენტის სრულუფლებიანი წარმომადგენლის, მარია ლვოვა-ბელოვას დაკავების ორდერები გასცა.

20 მარტს, რუსეთის საგამოძიებო კომიტეტმა სისხლის სამართლის საქმე აღძრა ICC-ის პროკურორის, კარიმ აჰმად ხანისა და მოსამართლეების როსარიო სალვატორე აიტალას, სერხიო გერარდო უგალდე გოდინესისა და ტომოკო აკანეს წინააღმდეგ, ხოლო მაისში, რუსეთის საგამოძიებო კომიტეტმა კარიმ ხანსა და როსარიო აიტალას ბრალი დაუსწრებლად წაუყენა და ძებნილთა სიაში შეიყვანა.

ამასთან, 27 ივლისს, რუსეთმა სისხლის სამართლის საერთაშორისო სასამართლოს მოსამართლე ტომოკო აკანეზე ძებნა გამოაცხადა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს