პარლამენტის პლენარულ სხდომაზე ხმაური იყო. სხდომაზე პარტია "მოქალაქეების" ლიდერს, ალეკო ელისაშვილსა და საქართველოს პარლამენტის თავმჯდომარეს, შალვა პაპუაშვილს შორის სიტყვიერი დაპირისპირება მოხდა.

ელისაშვილს სხდომაზე "ქართული ოცნების" დეპუტატის, ირაკლი ბერაიას მხრიდან ოპოზიციონერ დეპუტატ თეონა აქუბარდიას მიმართ შეურაცხყოფაზე საუბარი სურდა, მაგრამ ამის საშუალება პაპუაშვილმა არ მისცა.

"ფაქტი არის ერთი, რომ აქ, ამ დარბაზში ბატონი ბერაიას საქციელის და სიტყვის...", - განაცხადა ელისაშვილმა, რის შემდეგაც პარლამენტის თავმჯომარემ მას მიკროფონი გამოურთო.

აღნიშნულის შემდეგ პაპუაშვილმა ოპოზიციონერ დეპუტატს "ნერვების დაოკებისკენ" მოუწოდა და სხდომათა დარბაზი დაატოვებინა.

"ბატონო ალეკო, გუშინაც გითხარით, დაიოკეთ ნერვები, არ არის საჭირო, გუშინ იქნა ეს საკითხი აქ ნათქვამი, პასუხი ყველამ მიიღო, არ არის საჭირო ზედმეტი ემოციები... დატოვეთ დარბაზი გაძევებული ხართ. ოქმში ჩანაწერი გააკეთეთ, რომ ალექსანდრე ელისაშვილს დავატოვებინე დარბაზი", - განაცხადა პაპუაშვილმა.

შეგახსენებთ, რომ 31 ოქტომბერს პარლამენტის პლენარულ სხდომაზე "ქართული ოცნების" დეპუტატებმა ალუდა ღუდუშაურმა და ირაკლი ბერაიამ ოპოზიციონერ ქალ დეპუტატებს, ანა წითლიძესა და თეონა აქუბარდიას შეურაცხყოფა მიაყენეს.

აღნიშნულის შემდეგ, ბერაიამ აქუბარდიას მისამართით გაკეთებული შეურაცხმყოფელი განცხადების გამო ბოდიში მოიხადა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს