2023-10-28 14:37:39, 906 ნახვა
მსოფლიო
ყაზახეთში, მაღაროში გაჩენილი ხანძრის შედეგად, სულ მცირე, 21 ადამიანი დაიღუპა
ყაზახეთში, მაღაროში გაჩენილი ხანძრის შედეგად, სულ მცირე, 21 ადამიანი დაიღუპა. ამის შესახებ ინფორმაციას BBC ავრცელებს.
როგორც მედიასაშუალება წერს, მაღაროში მომუშავე 252 ადამიანიდან 23 ამ დრომდე დაკარგულად ითვლება.
ყაზახეთის პრეზიდენტმა, ყასიმ-ჟომართ თოყაევმა სამძიმარი გამოუცხადა დაღუპულთა ოჯახებს და მოითხოვა „საინვესტიციო თანამშრომლობის“ შეჩერება მაღაროს მფლობელ კომპანია ArcelorMittal-თან.
ცნობისთვის, ბოლო ორი თვის განმავლობაში ეს არის მეორე საბედისწერო შემთხვევა ყაზახეთში ArcelorMittal-ის მიერ ოპერირებად ადგილზე.
ArcelorMittal Temirtau ყაზახეთში 15 ქვანახშირისა და მადნის მაღაროს ფლობს.
ავტორი: ექსპრესნიუსი,
epn.ge (@expressnews.ge)
