საქართველოს გენერალური პროკურორი ირაკლი შოთაძე აცხადებს, რომ პრეზიდენტ სალომე ზურაბიშვილის უცხოეთში ვიზიტებთან დაკავშირებით, საუბარია კონსტიტუციის დარღვევაზე და აღნიშნული საქმე პროკურატურის კომპეტენციას არ წარმოადგენს.

როგორც შოთაძემ ჟურნალისტებთან საუბრისას აღნიშნა, კონსტიტუციის დარღვევა საკონსტიტუციო სასამართლოს შესაფასებელია.

"კონსტიტუციის დარღვევის ფაქტი არის საკონსტიტუციო სასამართლოს შესაფასებელი და მიეკუთვნება საკონსტიტუციო სასამართლოს კომპეტენციას",- თქვა გენერალურმა პროკურორმა.

ჟურნალისტის შეკითხვაზე, სალომე ზურაბიშვილთან დაკავშირებით არსებობს თუ არა რამე საქმე, რომელიც ძიებაშია; რა ეტაპზეა 2019 წელს შეწყალების საქმესთან დაკავშირებით დაწყებული გამოძიება და შესაძლებელია თუ არა, პრეზიდენტი აღნიშნულ საქმეზე სისხლის სამართლის პასუხისგებაში მიეცეს, ირაკლი შოთაძემ განაცხადა, რომ საქმეზე გამოძიება დღემდე გრძელდება, თუმცა კანონმდებლობის მიხედვით, პრეზიდენტზე იმუნიტეტი ვრცელდება.

„ამ ფაქტზე გამოძიება გრძელდება, შემიძლია დაგიდასტუროთ. ზოგადად, შემიძლია გითხრათ, რომ მოქმედი პრეზიდენტის სისხლის სამართლის პასუხისგებაში მიცემა კანონმდებლობთ შეზღუდული არის. პრეზიდენტზე ვრცელდება იმუნიტეტი და მის მიმართ შესაძლებელია სისხლის სამართლებრივი დევნის განხორციელება მხოლოდ იმპიჩმენტით თანამდებობიდან გადაყენების შემთხვევაში, თუ საკონსტიტუციო სასამართლომ მისი მხრიდან ან კონსტიტუციის დარღვევის ფაქტი, ან სისხლის სამართლის დანაშაულის ჩადენის ფაქტი დაადასტურა",- განაცხადა შოთაძემ.

ჟურნალისტის შეკითხვას, ზურაბიშვილის პრეზიდენტობის ვადის ამოწურვის შემდეგ, შესაძლოა თუ არა, რომ გამოძიება საკითხით დაინტერესდეს, შოთაძემ ასე უპასუხა:

„ფაქტზე მომავალში რატომ ვლაპარაკობთ? გიხსნით, რომ გამოძიება გრძელდება და ეს გამოძიება დაწყებულია რამდენიმე წლის წინ“.

ავტორი: ექსპრესნიუსი,

სოციალური ქსელები

გერმანიის შეიარაღებული ძალების მეთაური: რუსეთმა შესაძლოა ნატოს 2029 წელს შეუტიოს

ჰელსინკის აეროპორტის ფუნქციონირება დრონის გამო შეჩერდა

საუდის არაბეთმა ირანსა და ახლო აღმოსავლეთის ქვეყნებს შორის თავდაუსხმელობის შესახებ პაქტის გაფორმების წინადადება წამოაყენა - Financial Times

უკრაინულმა დრონები რუსეთის ერთ-ერთ უდიდეს ნავთობგადამამუშავებელ ქარხანას თავს დაესხნენ, სამი ადამიანი დაიღუპა.