2023-10-17 17:32:08, 730 ნახვა
საზოგადოება
მარნეულში წყალმომარაგების სისტემის გაყვანისას 60 წლამდე კაცი დაიღუპა
მარნეულში წყალმომარაგებისა და წყალარინების სისტემების გაყვანაზე მომუშავე პირი სამსახურებრივი მოვალეობის შესრულების დროს დაიღუპა. ამის შესახებ ინფორმაციას რადიო "მარნეული" ავრცელებს.
როგორც მედიასაშუალება თვითმხილველებზე დაყრდნობით იუწყება, ოთხი კაცი რესტორან "გიულბაღის" მიმდებარედ, სასმელი წყლის მილების გასაყვანად, დაახლოებით, 3- მეტრიან ორმოში მუშაობდა, რა დროსაც მიწა მოწყდა და ერთი ადამიანი მოიყოლა.
მომხდარის შედეგად 60 წლამდე კაცი ადგილზე გარდაიცვალა.
შინაგან საქმეთა სამინისტრომ ფაქტთან დაკავშირებით გამოძიება დაიწყო.
ავტორი: ექსპრესნიუსი,
epn.ge (@expressnews.ge)
