2023-09-24 15:04:38, 1011 ნახვა
მსოფლიო
რეჯეფ თაიფ ერდოღანი ილჰამ ალიევს შეხვდება
თურქეთის პრეზიდენტი რეჯეფ თაიფ ერდოღანი ხვალ, 25 სექტემბერს ნახიჩევანის ავტონომიურ რესპუბლიკაში ერთდღიანი ვიზიტით ჩავა. აღნიშნულ ინფორმაციას თურქული მედია ავრცელებს.
მედიის ცნობით, ერდოღანი ნახიჩევანში აზერბაიჯანის პრეზიდენტს, ილჰამ ალიევს შეხვდება.
შეხვედრის დროს ლიდერები ორ ქვეყანას შორის ურთიერთობებსა და რეგიონულ და საერთაშორისო მოვლენებზე ისაუბრებენ.
"განხილვის საგანი იქნება აზერბაიჯანის ანტიტერორისტული ოპერაცია ყარაბაღში და მოწინააღმდეგის ჯარისკაცების განიარაღების პროცესი.
ერდოღანი და ალიევი ასევე ისაუბრებენ ზანგეზურის დერეფანზე, რომელმაც აზერბაიჯანი ნახიჩევანის ავტონომიურ რესპულიკასთან უნდა დააკავშიროს",- წერს თურქული მედია.
ავტორი: ექსპრესნიუსი,
epn.ge (@expressnews.ge)
