თბილისში, მაღალაშვილის ქუჩაზე მდებარე ერთ-ერთი საცხოვრებელი კორპუსის ბინაში, საიდანაც  მოქალაქის გამოსახლება მიმდინარეობს, ნაღმი არ აღმოჩნდა. ამის შესახებ აღსრულების ეროვნული ბიუროს საზოგადოებასთან ურთიერთობის სამსახურის უფროსმა, პაატა შამუგიამ ჟურნალისტებთან საუბრისას განაცხადა.

შამუგიას თქმით, მოქალაქემ ბინაში ნაღმის არსებობის შესახებ მას შემდეგ განაცხადა, რაც გამოსახლების პროცესის დასაწყებად ადგილზე მივიდნენ.

შამუგიას განცხადებითვე, გამოიძახეს შესაბამისი სამსახურები, რომლებმაც დაადასტურეს, რომ ბინაში ნაღმი არ არსებობდა, აღნიშნულის შემდეგ კი, მოქალაქესთან მორიგება ვერ მოხერხდა და ამ დროისთვის, გამოსახლების პროცესი მიმდინარეობს.

"ჩვენ როცა აქ მოვედით, მოვალემ განაცხადა, რომ მას ჰქონდა ნაღმი. ჩვენ როგორც გვევალება პროტოკოლით, ვაცნობეთ 112-ს. მოხდა გადამოწმება როგორც ბინის, ასევე ამ ადამიანის და ინფორმაცია აღმოჩნდა ცრუ. ამის შემდგომ ვაწარმოეთ მოლაპარაკება მხარეებთან. მათი შეთანხმება ვერ მოხერხდა, შესაბამისად მიმდინარეობს გამოსახლების პროცესი... აღსრულების ეროვნულ ბიუროს არ ჰქონდა სხვა არანაირი სამართლებრივი საფუძველი, რომ გადაედო დღევანდელი გამოსახლება",-  განაცხადა პაატა შამუგიამ.

ცნობისთვის, თბილისში, მაღალაშვილის ქუჩაზე დილიდან მობილიზებული იყვნენ შესაბამისი სამსახურის წარმომადგენლები.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი