სომხეთის ეროვნული უსაფრთხოების სამსახური (NSS) ამოწმებს მედია პუბლიკაციებს "ვაგნერის" მებრძოლების სომხეთში დიდი რაოდენობით ჩასვლის შესახებ. ამის შესახებ სომხეთის პრემიერ-მინისტრმა, ნიკოლ ფაშინიანმა ეროვნულ ასამბლეაში სამთავრობო საათზე, ოპოზიციონერი დეპუტატის, აგნესა ჰამოიანის კითხვას უპასუხა, „ეძებს თუ არა უშიშროება "ვაგნერელებს“.

„რაც შეეხება ეროვნული უსაფრთხოების სამსახურის ქმედებებს "ვაგნერელების" ძებნაში, სომხეთის რესპუბლიკის სამართალდამცავი ორგანოები ვალდებულნი არიან, უპასუხონ პრესაში გავრცელებულ პუბლიკაციებს და ეს არის სისხლის სამართლის და სისხლის სამართლის საპროცესო კანონმდებლობის ნორმა. როგორც ვიცი, ასეთი პუბლიკაცია იყო "ტელეგრამების" არხებში, ეროვნული უსაფრთხოების სამსახური ამოწმებს გამოქვეყნებულ ინფორმაციას მისი იურისდიქციის ფარგლებში და ამაში უჩვეულო არაფერია“, - უპასუხა პრემიერმა.

რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ რამდენიმე სომხური ტელეგრამის პუბლიკაციებს უწოდა, რომ სომხეთში არის "ვაგნერის" PMC-ის 3000 მებრძოლი, რომლებიც ადგილობრივი ძალების მხარდაჭერით ამზადებენ გადატრიალებას და მთავრობის დამხობას პრემიერის მეთაურობით. 

ცოტა ხნის წინ, რუსეთის ფედერაციის ფედერაციის საბჭოს საერთაშორისო ურთიერთობების კომიტეტის თავმჯდომარემ, გრიგორი კარასინმა ამ ბრალდებებს სისულელე უწოდა, იუწყება Radio Azatutyun.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი