ევროკომისიამ უკრაინის სასოფლო-სამეურნეო პროდუქციის იმპორტზე შეზღუდვების გახანგრძლივების შესახებ წინადადება წარადგინა. აღნიშნულის შესახებ ინფორმაციას Европейская правда ავრცელებს.

მედიის ცნობით, შეზღუდვების გახანგრძლივების შესახებ წინადადება ვაჭრობის საკითხებში ევროკომისარ ვალდის დომბროვსკის ოფისის ხელმძღვანელმა, მაიკლ გეგერმა წარადგინა.

როგორც მედია წერს, ამ ეტაპზე უცნობია, საუბარია შეზღუდვების 2023 წლის ბოლომდე გახანგრძლივებაზე თუ უფრო მოკლე ვადით.

ცნობისთვის, 15 აპრილს პოლონეთმა უკრაინიდან მარცვლეულის და სოფლის მეურნეობის სხვა პროდუქტების იმპორტი აკრძალა.

აღსანიშნავია, რომ გუშინ, 12 სექტემბერს პოლონეთის მთავრობამ მიიღო რეზოლუცია, რომელშიც ევროკომისიას მოუწოდებდა,  უკრაინული მარცვლეულის იმპორტზე დაწესებული შეზღუდვა გაეხანგრძლივებინა, რომლის ვადაც 15 სექტემბერს იწურება.

ამასთან, როგორც ევროპულ და ევროატლანტიკური ინტეგრაციის საკითხებში უკრაინის ვიცე-პრემიერმა, ოლგა სტეფანიშინამ განაცხადა, კიევი არ არის მზად, პოლონეთის იმპორტის აკრძალვას შეეგუოს.

ავტორი: ექსპრესნიუსი,

სოციალური ქსელები

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა

მასწავლებლის ეროვნული ჯილდოს კონკურსზე 120-ზე მეტმა მასწავლებელმა შეავსო განაცხადი - პროექტის მთავარი მხარდამჭერია საქართველოს ბანკი