2023-09-11 19:23:14, 794 ნახვა
მსოფლიო
ევროკავშირმა რუსეთის მიერ ანექსირებულ უკრაინის ოლქებში ჩატარებული არჩევნები მკაცრად დაგმო
ევროკავშირმა მკაცრად დაგმო რუსეთის მიერ ანექსირებულ უკრაინის ოლქებში ჩატარებული არალეგიტიმური არჩევნები და აღნიშნა, რომ არ აღიარებს მათ შედეგებს. ამის შესახებ ინფორმაციას ტელეკომპანია CNN-ი ავრცელებს.
ევროკავშირის უმაღლესმა წარმომადგენელმა, ჯოზეფ ბორელმა რუსეთს მოუწოდა, „დაუყოვნებლივ, სრულად და უპირობოდ გაიყვანოს თავისი ჯარი და სამხედრო ტექნიკა უკრაინის მთელი ტერიტორიიდან, მის საერთაშორისოდ აღიარებულ საზღვრებში“.
„ეს უკანონო ე.წ. „არჩევნები“ უკრაინაში ჩატარდა რუსეთის მიერ პასპორტების, მათ შორის ბავშვებისთვის იძულებითი და უკანონო გაცემის, იძულებითი დეპორტაციის, ადამიანის უფლებების ფართო და სისტემური დარღვევისა და უკრაინის მოქალაქეების დაშინებისა და მზარდი რეპრესიების ფონზე“, - განაცხადა ბორელმა.
ავტორი: ექსპრესნიუსი,
epn.ge (@expressnews.ge)
