2023-09-01 17:47:46, 979 ნახვა
მსოფლიო
რუსეთისა და თურქეთის პრეზიდენტები ერთმანეთს 4 სექტემბერს სოჭში შეხვდებიან
რუსეთისა და თურქეთის პრეზიდენტები ერთმანეთს სოჭში, 4 სექტემბერს შეხვდებიან.
როგორც თურქეთის მმართველი პარტია აღნიშნავს, შეხვედრაზე საუბარი შავი ზღვის მარცვლეულის შეთანხმებაში რუსეთის მონაწილეობის შესაძლო განახლებას ან ამ შეთანხმების ალტერნატივას შეეხება.
კრემლის პრესსპიკერმა, დიმიტრი პესკოვმა მოლაპარაკებების ზუსტი თარიღის შესახებ განაცხადა, რომ ორი ქვეყნის ლიდერების შეხვედრა ორშაბათს, სოჭში გაიმართება.
"მოლაპარაკებები ორშაბათს გაიმართება, სოჭში შუა დღეს", - განაცხადა პესკოვმა.
ცნობისთვის, მარცვლეულის შეთანხმების დასრულების შემდეგ ეს თურქეთისა და რუსეთის ლიდერების პირველი შეხვედრა იქნება.
ავტორი: ექსპრესნიუსი,
epn.ge (@expressnews.ge)
