2023-08-31 13:21:45, 711 ნახვა
მსოფლიო
დიდი ბრიტანეთის თავდაცვის მინისტრად გრანტ შეპსი დაინიშნა
დიდი ბრიტანეთის თავდაცვის მინისტრად გრანტ შეპსი დაინიშნა. აღნიშნულის შესახებ გრანტ შეპსი სოციალურ ქსელში წერს.
მისი თქმით, დიდი ბრიტანეთი გააგრძელებს უკრაინის მხარდაჭერას.
„ჩემთვის დიდი პატივია პრემიერ-მინისტრ რიში სუნაკის მიერ თავდაცვის მინისტრის თანამდებობაზე დანიშვნა. მსურს, პატივი მივაგო იმ უზარმაზარ წვლილს, რომელიც ბენ უოლასმა, ბოლო 4 წლის განმავლობაში, გაერთიანებული სამეფოს თავდაცვისა და გლობალური უსაფრთხოების საქმეში შეიტანა.
მოუთმენლად ველი მუშაობის დაწყებას ჩვენი შეიარაღებული ძალების მამაც კაცებთან და ქალებთან, რომლებიც ჩვენს უსაფრთხოებას იცავენ. და გავაგრძელებ გაერთიანებული სამეფოს მხარდაჭერას უკრაინის მიმართ პუტინის ბარბაროსული თავდასხმის წინააღმდეგ საბრძოლველად“, - წერს შეპსი.
ავტორი: ექსპრესნიუსი,
epn.ge (@expressnews.ge)
