2023-08-30 21:54:55, 699 ნახვა
მსოფლიო
კირბი - აშშ შეშფოთებულია იმის გამო, რომ რუსეთსა და ჩრდილოეთ კორეას შორის შეიარაღების შესახებ მოლაპარაკებები აქტიურად მიმდინარეობს
აშშ შეშფოთებულია იმის გამო, რომ რუსეთსა და ჩრდილოეთ კორეას შორის შეიარაღების შესახებ მოლაპარაკებები აქტიურად მიმდინარეობს, - ამის შესახებ აშშ-ის ეროვნული უსაფრთხოების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.
როგორც კირბი აღნიშნავს, რუსეთის თავდაცვის მინისტრი, სერგეი შოიგუ ახლახან გაემგზავრა ჩრდილოეთ კორეაში, რათა დაერწმუნებინა ფხენიანი რუსეთისთვის საარტილერიო საბრძოლო მასალის მიყიდვაში.
„ჩვენ მოვუწოდებთ ჩრდილოეთ კორეას, შეწყვიტოს მოლაპარაკებები რუსეთთან შეიარაღების შესახებ და დაიცვას საჯარო ვალდებულებები, რომლებიც ფხენიანმა აიღო, რომ არ მიაწოდოს ან მიყიდოს რუსეთს იარაღი“, - განაცხადა კირბიმ.
ავტორი: ექსპრესნიუსი,
epn.ge (@expressnews.ge)
